«Voda á vista» é o berro de guerra que entoamos este mes no que se dá por inaugurada a tempada de celebracións. O calendario de vodas, bautizos e comuñóns extenderase, con probabilidade, ata entrado setembro.
Así que, «corpo a terra» se non queremos vernos alcanzados de cheo por un convite ou varios, e botarnos a tremer con tódolos gastos que representan.
Pero se por moito que fagas a cobra non te vas poder librar, xa que desta tí es a noiva, colle aire e respira, porque tamén existe vida low cost para noivas que dean o «sí quero» sen arruinar no intento.
A firma téxtil francesa NafNaf, posicionada no mercado como unha marca de roupa prêt-à-porter, dirixida «á muller de hoxe, moderna, chic e actual con toques de sofisticación«, vén de crear para esta tempada de primavera/verán 2016 unha colección cápsula bautizada como «Voda á vista» para noivas que se atreven a «dar a badalada» con toques de orixinalidade.
Noiva orixinal e con estilo con precios que non superan os 200€
A colección inclúe dende vestidos longos con encaixe e matices brancos de espíritu bohème, ata vestidos curtos e mesmo traxes de chaqueta de smoking e pantalón. Toda unha serie de prendas coas que ser unha noiva orixinal e con estilo, pero por prezos máis que asequibles, cuxo custe non supera os 200 euros.
A colección está dispoñible nos establecementos autorizados para a comercialización da marca. En Ourense Centro podémola atopar en Belinda, nas Galerías do Parque, de cuxo establecemento vos imos ensinar tres propostas que trasladamos ás rúas de Ourense, para que vos vaiades metendo no papel. Non perdades detalle!
A florería Drácena, no número 122 da Avenida de Zamora compuxo o precioso ramo de noiva que se ve nas imaxes.
Vestido de noiva curto con escote «Palabra de honra con chaqueta de lazo.
Vestido de noiva longo fluido de Aire Bohme.
Conxunto de dúas pezas: Falda de tul e top de escote nas costas.
Segue a buscar a inspiración na seguinte galería que contén máis fotos do book.
Fotógrafa, apasionada de la historia del arte y la moda. A veces me transformo, cojo mi guitarra y canto canciones de Queen.
Correo electrónico
Fotógrafa en proyecto, amante del cine y las series. Tengo sueños que, poco a poco, voy convirtiendo en realidad. Pizza is my bae.
Correo electrónico
Valora este post:
(3 voto(s), media: 5,00)
Cargando...Compártelo en:
Síguenos en:
