{"id":2180,"date":"2016-04-12T23:44:23","date_gmt":"2016-04-12T21:44:23","guid":{"rendered":"http:\/\/www.maistendencia.com\/?p=2180"},"modified":"2022-02-07T13:50:08","modified_gmt":"2022-02-07T11:50:08","slug":"que-3d-o-futuro-xa-esta-aqui","status":"publish","type":"post","link":"https:\/\/www.maistendencia.com\/blog\/que-3d-o-futuro-xa-esta-aqui\/","title":{"rendered":"+ que 3d: o futuro xa est\u00e1 aqu\u00ed"},"content":{"rendered":"

En 1980 Santiago Auser\u00f3n e o resto da banda Radio Futura, hoxe extinta pero considerada como un dos grupos m\u00e1is influintes da m\u00fasica contempor\u00e1nea espa\u00f1ola, entonaban aquela frase de \u00abel futuro ya est\u00e1 aqu\u00ed<\/strong>\u00bb cando cantaban o tema titulado \u00abEnamorado de la moda juvenil\u00bb.<\/p>\n

Esta frase parece cobrar m\u00e1is sentido a cada d\u00e9cada que pasa. O que ata hai pouco se tildaba de ciencia-ficci\u00f3n, cada ano que transcorre despr\u00e9ndese m\u00e1is da segunda parte da expresi\u00f3n.<\/p>\n

Hoxe por hoxe, as gafas de realidade virtual, as aplicaci\u00f3ns de realidade aumentada, os trebellos rob\u00f3ticos ou a impresi\u00f3n 3D, da que imos falar neste post<\/strong>, xa\u00a0son de uso dom\u00e9stico sen necesidade da ficci\u00f3n televisiva para meterse nos nosos fogares.<\/p>\n

\u00bfQu\u00e9 e a Impresi\u00f3n 3D?<\/h2>\n

A Wikipedia define a impresi\u00f3n 3D<\/a> como un conxunto de tecnolox\u00edas\u00a0onde un obxecto tridimensional \u00e9 creado pola superposici\u00f3n de capas sucesivas de material<\/strong> (pl\u00e1sticos, na s\u00faa maior\u00eda), o que \u00e9 posible grazas \u00e1s impresoras 3D<\/a>, m\u00e1quinas que reproducen dese\u00f1os tridimensionais creando pezas ou maquetas volum\u00e9tricas a partires dun dese\u00f1o feito por ordenador, descargado da internet ou recollido por un esc\u00e1ner<\/strong>.<\/p>\n

\"Impresora
Impresora 3D que empregan na empresa ourensana + que 3d<\/strong> para crear obxectos a partires de bobinas de f\u00edos pl\u00e1sticos.<\/figcaption><\/figure>\n

\u00d3 mesmo tempo que na d\u00e9cada dos 80 en Espa\u00f1a soaba o tema de Radio Futura as impresoras 3D xa se usaban a escala industrial, pero non foi ata o ano 2009 que se sacou o primeiro modelo de impresora 3d de uso dom\u00e9stico \u00f3 mercado<\/strong>.<\/p>\n

O xornal The Economist publicou en 2012 unha informaci\u00f3n sobre o acontecemento que titulou \u00abTerceira Revoluci\u00f3n Industrial<\/a>\u00bb (e dende ent\u00f3n a impresi\u00f3n 3d as\u00f3ciase de cot\u00edo con este termo), como lembra o xornalista Luis Meyer nunha rese\u00f1a<\/a> que escribiu en El Pais a conta da exposici\u00f3n Futuro Inmediato. Impresi\u00f3n 3D, que dende o pasado 23 de marzo e ata o vindeiro 26 de xu\u00f1o se pode visitar en Madrid na sala D-Espacio do centro cultural e muse\u00edstico CentroCentro.<\/p>\n

A exposici\u00f3n, que mostra pezas impresas en 3d, pretende amosar o amplo abano de posibilidades que se abren con esta tecnolox\u00eda e todas as cousas que se poden facer cunha impresora 3d, moitas delas, dende a propia casa.<\/p>\n

En verbas dos organizadores o vasto campo de aplicaci\u00f3ns ext\u00e9ndese \u00aba case todos os aspectos da vida: dende comida a \u00f3rganos humanos, de ladrillos a pezas de vidro ou de cemento, de compo\u00f1entes met\u00e1licos para construci\u00f3n a mobles, dende cer\u00e1micas a pr\u00f3teses ou a escaiolas, dende xoias a vestidos, de xoguetes a \u00a0gafas e bol\u00edgrafos, dende casas a l\u00e1mpadas e solas de zapato\u00bb.<\/p>\n

\"Impresiones
Obxectos de decoraci\u00f3n e dese\u00f1o que podemos ver no escaparate de + que 3d<\/strong>, no n\u00famero 36 da Avenida Bos Aires, en Ourense.<\/figcaption><\/figure>\n
\"Bobinas
Bobinas de nylon empregadas por + que 3d<\/strong> para a impresi\u00f3n de obxectos que n\u00f3s mesmos podemos dese\u00f1ar.<\/figcaption><\/figure>\n

Se alg\u00fan de v\u00f3s se vai deixar caer un d\u00eda destes por Madrid e lle apetece visitar a exposici\u00f3n da que falamos que saiba que vai atopar, entre outras pezas, sillas, l\u00e1mpadas, xarr\u00f3ns e vaixelas impresas en distintos materiais como o nylon<\/strong>, a cer\u00e1mica<\/strong>, o vidro<\/strong> e ata da \u00abpropia area do deserto<\/strong>\u00ab.<\/p>\n

Tam\u00e9n se poder\u00e1n ver como quedan as pezas dunha ponte de aceiro<\/strong> que se vai construir para un dos moitos canais que hai na cidade de Amsterdam.<\/p>\n

+ que 3d – Impresi\u00f3ns en 3d en Ourense.<\/h2>\n

Pero se non ides ter a oportunidade de facelo e vos interesa aproximarvos \u00f3 mundo da impresi\u00f3n en tres dimensi\u00f3ns, en Ourense, a empresa + que 3d<\/a><\/strong>, onde se tomaron as fotograf\u00edas que ilustran parte deste post, pode introducirvos neste mundo do que estamos empezando a co\u00f1ecer o seu grande potencial.<\/p>\n

A empresa, dirixida por Ana G\u00f3mez, indica que esta tecnolox\u00eda \u00abdesenvolve e estimula a creatividade das personas a trav\u00e9s do co\u00f1ecemento, pr\u00e1ctica e uso de ferramentas de dese\u00f1o espec\u00edficas para o modelado 3D, podendo crear proxectos reais que te\u00f1an un espazo no mercado cun alto compo\u00f1ente innovador e creativo<\/strong>\u00ab.<\/p>\n

\"+
Instalaci\u00f3ns da empresa + que 3d<\/strong> na avenida de Bos Aires.<\/figcaption><\/figure>\n

Servicios de asesoramento a hora de adquirir unha impresora 3d.<\/h3>\n

Esta empresa ourens\u00e1 non s\u00f3 ofrece servizos de impresi\u00f3n 3d<\/strong>, sen\u00f3n tam\u00e9n de asesoramento<\/strong> a quen estea interesado en adquirir unha impresora 3d<\/strong> para a casa, segundo o uso que te\u00f1a pensado darlle e os materiais que se poden empregar; no caso de ter a idea dun dese\u00f1o en mente, tam\u00e9n se poden encargar de facela realidade, preparando os bocetos, facendo o modelado e os retoques necesarios antes da impresi\u00f3n.<\/p>\n

De feito, unha das maiores utilidades que a d\u00eda de hoxe se atopa na impresi\u00f3n 3d est\u00e1 relacionada coa creaci\u00f3n de prototipos<\/strong>, que permiten \u00f3s desenvolvedores de produtos obter unha r\u00e9plica en distintos materias que permita avaliar a s\u00faa viabilidade antes de encargar a fabricaci\u00f3n en serie.<\/p>\n

+ que 3D ofrece obradoiros e cursos.<\/h3>\n

+ que 3d<\/strong> tam\u00e9n desenvolve unha faceta did\u00e1ctica a trav\u00e9s de obradoiros e cursos de modelado e dese\u00f1o 3d, rob\u00f3tica e programaci\u00f3n<\/strong> adaptados a varios niveis, dende principiantes a profesionais<\/strong>.<\/p>\n

Utilidades da impresi\u00f3n en 3D.<\/h2>\n

Indagando na rede sobre a tecnolox\u00eda 3d<\/strong> resulta sorprendente co\u00f1ecer a chea de cousas que se poden facer con este tipo de impresoras e dende a casa. E para mostra, rescato algunha delas:<\/p>\n

Impresi\u00f3n 3d do feto a partir da ecograf\u00eda<\/strong><\/h3>\n

Entre os usos que menciona o artigo da wikipedia que fala das impresoras 3d at\u00f3panse as ecograf\u00edas en 3d. \u00c9stas xurdiron fai uns anos e supuxeron un grande avance no sector, por\u00e9n no ano 2013 deuse un paso cara adiante: a impresi\u00f3n en tres dimensi\u00f3ns do feto.<\/p>\n

A s\u00faa principal utilidade \u00e9 a de detectar posibles malformaci\u00f3ns nos non natos ou posibles complicaci\u00f3ns no parto<\/strong>. A impresi\u00f3n 3d facilita un mellor seguemento do proceso de xestaci\u00f3n<\/strong>.<\/p>\n

Outra das utilidades \u00e9 para os pais con cegueira, quen grazas a estos obxectos realizados con materiais f\u00e1cilmente palpables saber\u00e1n como ser\u00e1 o seu fillo<\/strong>. Na maior\u00eda dos casos, moitos proxenitores xa se interesan en dispo\u00f1er destas impresi\u00f3ns para teren un recordo material da xestaci\u00f3n dos seus fillos<\/strong>.<\/p>\n

\"Impresi\u00f3n<\/p>\n

Impresi\u00f3n de \u00f3rganos con tecidos vivos<\/strong><\/h3>\n

No ano 2014, Marta Palomo, doutora en Biolox\u00eda e comunicadora cient\u00edfica especializada en biomedicina foi reco\u00f1ecida cunha menci\u00f3n especial na\u00a0VII Edici\u00f3n dos Premios de Periodismo e Investigaci\u00f3n e Innovaci\u00f3n Tecnol\u00f3xica grazas a un artigo de divulgaci\u00f3n cient\u00edfica titulado \u00abCuerpos de impresi\u00f3n<\/a>\u00bb e publicado pola axencia SINC<\/a>, axencia p\u00fablica de \u00e1mbito estatal especializada en informaci\u00f3n cient\u00edfica.<\/p>\n

Neste texto a divulgadora conta que dende hai uns anos os cient\u00edficos non paran de experimentar con impresoras de \u00f3rganos en tres dimensi\u00f3ns e ref\u00edre un importante acontecemento: o logro duns cient\u00edficos da Universidade de Oxford que en 2012 conseguiron imprimir cun material que serve de sustrato para que se formen tecidos reais, capaces de responder a est\u00edmulos e comunicarse como o fan as neuronas.<\/p>\n

\"Impresi\u00f3n
Detalle de como a impresora traballa na creaci\u00f3n dun ri\u00f1\u00f3n. Fotograf\u00eda de SINC, baixo licencia CC by 3.0<\/a>.<\/figcaption><\/figure>\n

No caso que se ilustra, os cartuchos da impresora, en lugar de tinta, cargar\u00edanse con material que reproduce as condici\u00f3ns dos tecidos vivos.<\/p>\n

Impresi\u00f3n de comida<\/h3>\n

\u00bfBomb\u00f3ns personalizados que reproducen as nosas caras? \u00bfplatos con mensaxes ou debuxos art\u00edsticos? Isto e cousas semellantes son elaboradas polas impresoras 3d de coci\u00f1a, como Foodini, da compa\u00f1\u00eda Naturalmachines<\/a>, que pronto lanzar\u00e1n \u00f3 mercado. Pizzas ou biscoitos, d\u00f3ce e salgado, Foodini imprime receitas elaboradas a partir de alimentos previamente preparados que se introducen nunhas c\u00e1psulas que poder\u00e1n ser comercializadas nos supermercados.<\/p>\n

\"Impresi\u00f3n
-\u00da-lo peixe con patacas? -A\u00ed mesmo, no prato<\/figcaption><\/figure>\n

Impresi\u00f3n de roupa e calzado<\/h3>\n

Danit Peleg<\/a> \u00e9 unha moza dese\u00f1adora de moda establecida en Tel Aviv e recentemente graduada pola Shankar College of Design<\/a>. No seguinte v\u00eddeo explica como quixo crear unha colecci\u00f3n pret-\u00e1-porter<\/em>, integramente feita na casa cunha impresora 3d.<\/p>\n

Logo de traballar con expertos no terreo conseguiu un resultado espectacular, cuxo resultado son prendas que semellan tecidos de ganchillo cunhas ca\u00eddas de efectos impresionantes.<\/p>\n

A creadora p\u00eddenos que por un momento imaxinemos o potencial desta tecnolox\u00eda aplicada \u00f3 mundo da moda: \u00abSe vai fr\u00edo, imprime a t\u00faa chaqueta; Viaxas sen equipaxe? Pois imprime a roupa na propia habitaci\u00f3n do hotel; Pronto ser\u00e1 posible dese\u00f1ar, compartir e imprimir a propia roupa directamente na casa\u00bb<\/p>\n